Uztailaren 6 an

Thibault Cauvin

Abadia gaztelu-behatokian – 21h00

Aitzin-salmenta osoa 12 € / murriztua 6 €
Bertan kontzertuaren egunean osoa 14 € / murriztua 7 €

Thibault CAUVIN ©FrankLoriou _8bd

Hogei urte bete gabe ere berrogei bat nazioarteko sari lortu ditu jadanik mundu osoan zehar (Bath, Fontainebleau, Los Angeles, Viena, San Francisco…) – ez da halako sari zerrenda duen beste inor! – gizon honek badu Rimbaud-etik zerbait. Gitarraren Rimbaud bat, bat-batean guztia bertan behera utz eta Afrikara lerratuko ez zena.
Haren ibilbidean Olivier Chassain-en eskola dago, Pariseko CNSM kontserbatorioan; gero Alvari Pierri-ren edo Judicaël Perroy-ren soka ospetsuekin lotu zen ere. Baina klasikoan murgiltze horri jazz, rock eta world musiken eragina gaineratzen dio, gitarra jole eta musikagile zuen aitak erakutsirik. Orduan ikus liteke nola dabilen surf ohola besapean, bere gitarra eklektikoa munduko taulagain guztietan, New-York-etik Moskuraino, Parisetik Shangairaino, Munich-etik Seuleraino, usaiako bideetarik at dabiltzan musika esperientzia anitzetan.
Egin dituen album klasikoak aho batez goretsiak badira (Scarlatti, 2013; Albeniz, 2014; Vivaldi, 2016…) ere, irudiarekin jokatzea ere gustuko du eta hainbat filmetan ageri da, planetako bazter guztietara haren gibeletik doazelarik. Tupin guztietako zalia izateko duen talentuaren beste adibide batek, «Cities» proiektuak (bi album eginik gaurdaino), hainbat ingurumenetatik datozen musikagileak biltzen ditu hunkitzen duten hirien omenez. Hérouville-ko gaztelu mitikoan grabatu azken obra iaz argitaratu zen; diskoan honako hauek entzun daitezke, besteak beste: Didier Lockwood, Ballaké Sissoko, Erik Truffaz, bai eta azken horren adiskide Matthieu Chédid, zeinarekin Ferret muturreko «Flots de l’âme» abesten baitu; haren uhinak Hendaiako hondartzak ukitzera helduko zaizkigu, segur.
FA

Eguraldi txarra bada, kontzertua Antton Abadia entzunaretoan eginen da, Zokoburu plazan.

Cinéma – 17:00

Eric Clapton

Guitaralde et notre partenaire le Cinéma “Les Variétés” vous proposent de découvrir le film documentaire de Lili Fini Zanuck

Eric Clapton est pour des millions de gens une légende vivante du Blues et du Rock. Véritable icône, il a traversé les décennies, connaissant gloire et successions d’épreuves. Malgré sa pudeur, il nous livre pour la première fois l’ensemble de sa vie y compris ses drames les plus intimes. Mêlant archives personnelles, performances rares et témoignages inédits (B.B. King, George Harrison, Pattie Boyd, Bob Dylan, Steve Winwood…), ce documentaire retrace la destinée emblématique de celui que l’on appelle «GOD»…

Tarif unique de 4€ !!!

 

Guitar Apéro Buzz – 19:00

Hainbat kontzertu aldi berean hainbat lekutan, Buzz egiteko!

Piscine – Mimosen hiribidean
Piscine (2)
2012an sortu zen, Bordelen, PISCINE taldea; hirukote Math-Rock bat da, gitarra baxurik eta ahotsik gabea, gitarrazko riff azkarrak, aldiz, nagusitzen direlarik.
Taulagainean hainbat talderekin aritu delarik, hala nola Shannon Wright, Mondo Generator, Fuzz, La Colonie de Vacances, No Salit Blood eta beste hainbat eta hainbatekin, taldeak 2015ean eman zuen argitara bere lehen albuma, “OLYMPIQUE”, A tant Rêver Du Roi frantses labelak argitaraturik (Blacklisters, Semi Playback, Magneto…). Harrera horren atseginak eta arrakastak energia handia ekarri diote taldeari eta energia hori taulagainean bete-betean ageri da!

Lanetik Egina elkarteak antolatua

Julie Lambert Group – Errepublika plazan
Hego-mendebaldeko musikariek lagundurik, «amerikar folk-singer bearnoarrenak» bere hiru albumetako konposizioak azaltzen dizkigu, jazz, folk, blues eta pop estiloen arteko mugak zeharkatuz, anglosaxoi artistek egiten dakiten gisan.
Gitarra eta kantua: Julie LAMBERT, Gitarra eta koroak: Pascal SÉGALA, Baxua eta Saxofoia: Antoine PERRUT, Bateria: Romain GRATALON.

UNDERCOVER – Bi Ur Arte

UNDERCOVER

«Undercover» taldea Daniel Fernandez gitarra joleak eta Eider Roza abeslariak osatu bikotea da. Izenak berak dioen bezala, bikoteak pop, rock eta blues estandarretatik edaten du eta beren ukitu berea eta beren komunikaziorako indarra gaineratzen dituzte. Hainbat sari irabazi dituzte Hegoaldean, hala nola «Donostiako Pop Rock lehiaketa 2005ean» laukotean, baxuarekin eta bateriarekin, Underneed izenaren pean», «Autoproducidos FNAC 200″, «Semanales SOL música» Espainiako nazio mailako lehiaketa bideoklip onenaren kategorian.
Bi Ur Arte ostatuan arituko dira, Guitaralde festibalaren partaide berria baita, terrazan, itsasoari begira. Euria bada, barnean joko dute. Giroa segur da.

JORGE GONZALEZ
22:30 Guitar After – Café de la plage Ostatua

Jorge Gonzalez Donostiako gitarra jole bazterrezina da. Urte luzeak daramatza «Francisco Escudero kontserbatorio profesionalean» irakasle.
Hainbat artista lagundu ditu, hala nola Gorka Knörr edo Gontzal Mendibil.  Hendaiara bere proiektu berria aurkeztera etorriko da. Gitarra modernoaren historiaren gain soakoa da. Errepertorioan Joe Satriani, Pat Metheny eta Chet Atkins izanen dira. Bere ukitu berea ere emanen du, bere inprobisazio bereak ere eskainiz, behin jatorrizko gaiak jo ondoren. Gisa orotako gitarren zale zareten horiek, ez artista jeinutsu horren, hainbat moldetan aritzen den artista horren emanaldia gal, G handi batez idatzi gitarrari omen kartsu bat eginen baitio. Kontzertua 22:45ean eginen da hondartzako kafe etxean, partaide berria baita Guitaralde festibalean. Festibalaren bigarren arratsa giro onean bururatzeko aukera izanen da, baso bat edan eta musika ona entzunez.

Guitara : Jorge Gonzalez – Baxua : Marcelo Escrich Bateria : Josu Erviti.